«Մեր ֆուտբոլիստները տիտղոսներ նվաճելու ծարավ ունեն», – Ռուի Մոտա

«Մեր ակումբում բոլորը տիտղոսների քաղց ունեն`սկսած ակումբի նախագահից: Մենք ամբողջությամբ կենտրոնացած ենք գավաթի եզրափակիչ խաղի վրա: Եզրափակիչները միշտ էլ շատ ինքնատիպ են լինում: Բայց երկու թիմերի համար բարդ հանդիպում է լինելու»,- նախախաղային ասուլիսի ժամանակ ասաց Մոտան: 

Ըստ մասնագետի` եզրափակիչ հասնում են այն ակումբները, որոնք առավելագույնն են ներդնում տիտղոս նվաճելու համար:

«Երկու թիմերի համար էլ շատ էմոցիոնալ խաղ է լինելու: Եզրափակչում  ամեն ինչ կախված է միայն ու միայն ֆուտբոլիստներից, ամեն ինչ կախված է ֆուտբոլիստների հոգեբանությունից, թե որքանով են նրանք պատրաստ խաղին: Եզրափակիչներում որոշիչ է լինում հոգեբանությունը»,-ասաց նա: 

Հայաստանի ֆուտբոլի գավաթի խաղարկության եզրափակիչը կկայանա մայիսի 13-ին Վազգեն Սարգսյանի անվան «Հանրապետական» մարզադաշտում և կմեկնարկի 19:00-ին: Հայաստանի գավաթի եզրափակչում միմյանց դեմ կխաղան «Նոա»-ն ու «Արարատ-Արմենիա»-ն։